बागलुङ । नेपाली कांग्रेसका सभापति शेरबहादुर देउवाले पछिल्लो समयमा संघीयताको विरुद्धमा प्रहार भइरहेको बताएका छन् ।

नेपाली कांग्रेस बागलुङको ऐतिहासिक जिल्ला सम्मेलनलाई सम्बोधन गर्दै शुक्रबार पूर्वप्रधानमन्त्री समेत रहेका देउवाले यस्तो बताएका हुन् ।

उनले संघीयताको विरुद्धमा लाग्ने शक्तीका विरुद्ध लाग्न पार्टी कार्यकर्तालाई निर्देशन दिए । उनले संविधानको रक्षा गर्ने दायित्व कांग्रेसको भएकोले संविधान र संघीयताको कार्यान्वयन गरेर छाड्ने बताए।

पछिल्लो समय आइरहेका अफवाहप्रति विश्वास नगर्न पनि कार्यकर्तालाई सभापति देउवाले आग्रह गरे ।