मकवानपुर । मकवानपुरमा नक्कली पेस्तोल देखाएर धम्काएको आरोपमा एकजना पक्राउ परेका छन् ।

जिल्लाको हेटौंडा उपमहानगरपालिका-१५ स्थित शिखरपानीबाट १९ वर्षीय साजन स्याङ्तानलाई प्रहरीले पक्राउ गरेको हो ।

उनले आफू बसोबास गर्दै आएको शिखरपानी भन्ने स्थान वरिपरि प्लास्टिकको नक्कली पेस्तोल देखाई धम्काउने गर्ने गरेको सूचनाका आधारमा पक्राउ गरिएको जिल्ला प्रहरी कार्यालय मकवानपुरले जनाएको छ ।

पक्राउ परेका स्याङतानलाई बिहीबारबाट लागू हुनेगरी ७ दिनको म्याद थपगरी प्रहरीले थप अनुसन्धान थालेको छ ।