काठमाडौं । जुवातास खेलेको आरोपमा पक्राउ परेका कलाकार चक्र बमसहित ९ जना धरौटीमा रिहा भएका छन् ।

जुवा ऐन अन्तर्गत अनुसन्धान भइरहेका उनीहरूलाई जिल्ला प्रशासन कार्यालय काठमाडौंले बुधवार १५ हजार धरौटीमा छाडेको हो ।

महानगरीय प्रहरी वृत्त सिंहदरबारले गत शनिवार मैतीदेवीस्थित एक डान्स सेन्टरबाट उनीहरूलाई पक्राउ गरेको थियो ।

पक्राउ परेकाहरूमा बम, शङ्कर आचार्य, सुर्पमान स्याङतान, नरेन्द्र विष्ट (गम्भीर), गणेश विष्ट (गजित) रोशन सिंह, टाइम मगर, घनश्याम अधिकारी थिए ।