दोलखा । दोलखामा मोटरसाइकल दुर्घटना हुँदा एक जनाको मृत्यु भएको छ ।

दोलखाको भीमेश्वर नगरपालिका-७ साखिने नजिकै मोटरसाइकल दुर्घटना हुँदा रामकुमार खड्काको मृत्यु भएको हो ।

काठमाडौंबाट घर चरिकोट आउँदै गरेको प्रदेश-२ ४४ प ६८८३ नम्बरको मोटरसाइकल मंगलबार दिउँसो दुर्घटनामा परेको थियो ।

खड्काले आफैंले चलाएको मोटरसाइकल अनियन्त्रित भएर दुर्घटना भएको थियो ।

दोलखा सामुदायिक अस्पतालमा उपचारका क्रममा उनको मृत्यु भएको प्रहरीले जनाएको छ ।