काठमाडौं । बारामा प्रिन्सिपल रुपेश सर्राफको गोली हानी हत्या गरेको आरोपमा १० जना पक्राउ परेका छन् ।

प्रहरीले अहिलेसम्म १० जना आरोपीलाई पक्राउ गरृको हो । उनीहरुलाई प्रहरीले पत्रकार सम्मेलन गरेर सार्वजनिक गर्ने तयारी गरेको छ ।

बारा कलैया उपमहानगरपालिका–६, का रुपेसमाथि सोमबार १ बजे कलैया बजारमै गोली प्रहार भएको थियो । उनीमाथि अन्धाधुन्द गोली प्रहार भएको थियो । पहिले उनको घाँटीमा दुईवटा गोली लागेको थियो ।

गोली लागेर घाइते भएका उनको अस्पताल पुर्‍याएलगत्तै डाक्टरले मृत घोषणा गरेको जिल्ला प्रहरी कार्यालय बाराले जनाएको छ । प्रहरीका अनुसार उनीमाथि पाँचवटा गोली प्रहार भएको थियो ।

बारा प्रहरीका अनुसार घटनाको अनुसन्धानबाट महिला नै हत्याको मुख्य योजनाकार भएको खुलेको छ । प्रहरीले घटनाको अनुसन्धान गरिरहेको छ ।