बारा । बारामा प्रिन्सिपलको हत्यामा संलग्न रहेको आरोपमा प्रहरीले एक जनालाई पक्राउ गरेको छ ।

सर्राफको हत्यामा संलग्न रहेको आशंकामा प्रहरीले सोमबार नै साँझ कलैया उपमहानगरपालिका-१ बाट एक महिलालाई नियन्त्रणमा लिएको हो ।

जिल्ला प्रहरी कार्यालय बाराका अनुसार कलैयाबाट आरोपी पक्राउ परेकी हुन् । यद्धपी नियन्त्रणमा लिएकी महिलाको परिचय भने प्रहरीले खुलाएको छैन ।

कलैया उपमहानगरपालिका-६ मदरशा टोलस्थित बाल एकता इंग्लिश बोर्डिङ स्कुलका प्रधानाध्यापक गुड्डु भनिने रुपेश सर्राफको सोमबार दिउँसो साढे १२ बजेतिर अपरिचित समूहले गोली हानी हत्या गरेको थियो ।

घटनाबारे थप अनुसन्धान भइरहेको प्रहरीले जनाएको छ ।