रुपन्देही । रुपन्देहीमा हतियार देखाएर साढे ५ लाख रुपैयाँ लुटिएको छ ।

भैरहवाबाट बैंकबाट रकम झिकेर रायपुर (मर्चवार)तर्फ जाँदै गरेको अवस्थामा ‍भारतीय नम्बर प्लेटको मोटरसाइकलमा आएका दुई जना अपरिचित व्यक्तिले पेस्तोल देखाएर साढे ५ लाख रुपैयाँ लुटपाट गरेका हुन् ।

रुपन्देहीको मर्चवारी गाउँपालिका ३ का प्रकाश बरईको साथबाट सम्मरीमाई गाउँपालिका-६ डिहुली र दयानगरको बीचमा सो रकम लुटिएको बताइएको छ ।

बरई गल्ला व्यापारी रहेको बुझिएको छ । इलाका प्रहरी कार्यालय मर्चवारले घटनाको प्रारम्भिक अनुसन्धान भइरहेको जनाएको छ ।