काठमाडौं । नेपालको चारदिने औपचारिक भ्रमणमा रहेका संयुक्त राष्ट्रसंघका महासचिव एन्टोनियो गुटेरेस रात्रीभोजमा सहभागी भएका छन् ।

महासचिवको सम्मानमा प्रधानमन्त्री पुष्पकमल दाहाल प्रचण्डले आइतबार साँझ सांस्कृतिक कार्यक्रमसहितको रात्रिभोजको आयोजना गरेका हुन् ।

रात्रीभोजमा नेपाल सरकारका मन्त्री, राजनीतिक दलका प्रतिनिधि, सरकारी कर्मचारी लगायत विभिन्न नियोगका उच्च पदस्थहरूको सहभागीता छ । गुटेरेस प्रधानमन्त्री प्रचण्डको मैत्रीपूर्ण निमन्त्रणमा आइतबार बिहान १ बजे काठमाडौं आइपुगेका हुन् ।

आइतबार उनले प्रधानमन्त्री दाहाल, राष्ट्रपति रामचन्द्र पौडेल, सभामुख देवराज घिमिरे, परराष्ट्रमन्त्री एनपी साउद, रक्षामन्त्री पूर्णबहादुर खड्का, नेपाली कांग्रेसका सभापति शेरबहादुर देउवा तथा प्रमुख प्रतिपक्षी दल नेकपा एमालेका नेता केपी शर्मा ओलीसँग भेटवार्ता गरेका छन् ।

उनले पाटन दरबार क्षेत्रको अवलोकन समेत गरेका छन् ।