रौतहट । बसको ठक्करबाट रौतहटमा एक जनाको मृत्यु भएको छ भने दुई जना घाइते भएका छन् ।

काठमाडौंबाट रौतहटको पिप्राबजारतर्फ आउँदै गरेको ना ६ ख १४६३ नम्बरको बडिगार्ड बसको ठक्करबाट माधवनारायण नरपालिका–६ का ६५ वर्षीय ब्रम्हदेव दास तत्माको घटनास्थलमै मृत्यु भएको हो ।

उनी आफ्नै घर अगाडि बिहान धुनी तापेर बसिरहेका बेला बसले ठक्कर दिएको प्रहरीले जनाएको छ । तत्मालाई ठक्कर दिएपछि अनियन्त्रित भएको बस नजिकै रहेको स्थानीयको घरको भित्तामा ठोक्किन पुगेको थियो।

त्यसै क्रममा घरधनी फेकु दास र उनकी श्रीमती सुमित्रा देवी घाइते भएको जिल्ला प्रहरी कार्यालय गौरले जनाएको छ । घाइते दुवैको गौर अस्पतालमा उपचार भइरहेको प्रहरीले जनाएको छ ।