Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । महाअष्टमी पर्व मनाइरहेका बेला आज धादिङको ज्वालामुखी गाउँपालिका–५ खरीलाई केन्द्रबिन्दु बनाएर ४ पटक भूकम्प गएको छ । आइतबार बिहान ७ बजेर ३९ मिनेटमा ६.१ म्याग्निच्युडको भूकम्प गएको थियो । उक्त भूकम्पको झट्का धादिङ, गोरखा, रसुवा, काठमाडौं उपत्यकालगायत आसपासका क्षत्रेमा महसुस गरिएको थियो
यसपछि आइतबार बिहानै ८ः८, ८ः२८ र ८ः५९ मा गरी चारपटक क्रमश ४.२, ४.३ र ४.१ म्याग्निच्युडको भूकम्प खरी र सल्यानटारलाई केन्द्रबिन्दु बनाएर गएको थियो ।
भूकम्प आएपछि धादिङका अधिकंश क्षेत्रमा महाअष्टमी मनाइरहेकाहरुको भागदौड मच्चिएको स्थानीयले बताएका छन् । भूकम्पका कारण धादिङका कतिपय स्थानमा जमिन फाटेको छ भने घरहरुमा पनि क्षती पुगेको छ । खरीको कुमालटारीमा जमिन फाटेको छ भने खरीका केही पुराना घरहरू पनि चर्केको स्थानीयबासीले बताएका छन् । यद्यपी क्षतीको पूर्ण विवरण भने आइसकेको छैन ।
राष्ट्रिय भूकम्प मापन तथा अनुसन्धान केन्द्रका अनुसार आइतबार बिहान काठमाडौं आसपासका जिल्लामात्र नभई चितवन र पर्वतमा समेत भूकम्पको धक्का महसुस गरिएको थियो। केन्द्रकाअनुसार यो नयाँ भूकम्प नभई २०७२ वैशाख १२ गते उत्तरी गोरखाको बारपाक केन्द्रविन्दु गरी गएको भूकम्पकै परकम्पको निरन्तरता हो।
© 2026 All right reserved to onlinenepal.com
Design & Developed By
