एजेन्सी । रिलिजअघि नै विजय थलपतिको लियोले सय करोड भारु कमाएको छ ।

प्रदर्शनको एक दुई दिनमा यति कमाई गर्ने फिल्ममा आरआरआर र जवान आदि फिल्म छन् । रिलिज हुनु अघि नै सय करोड भारुभन्दा धेरै कमाइ गरेर अहिले एउटा फिल्म सबैको मुखमा झुन्डिरहेको छ ।

थलपति विजयको अपकमिङ फिल्म लियोले रिलिज हुनु भन्दा दुई दिन अघि एड्भान्स बूकिङमा सय करोड भारुभन्दा धेरैको टिकट कमाएको छ । भारतीय बजारमा मात्रै सोमबारसम्म ४० करोड भारु बराबरको टिकट विक्री भएको छ ।

दुनियाँभरमा भने लगभग ९० करोड भारुको टिकट बेचिएको छ । मंगलबार बिहानसम्म विक्री सय करोड भारु नाघेको बताइएको छ । एड्भान्स बूकिङ शुरु भएको पहिलो दिनमै फिल्मले भारतमा २५ करोड र दुनियाभरमा ६० करोड भारु कमाएको थियो ।

फिल्मले बुधबार रातसम्ममा सलमान खानको पठान र शाखरुख खानको जवानको एड्भान्स बूकिङको रेकर्ड तोड्ने भविष्यवाणी ट्रेड ट्र्याकर सेकनिलकले गरेको छ ।

लियो अक्टोबर १९ मा रिलिज हुँदैछ । यस फिल्ममा सञ्जय दत्त, तृषा कृष्णन, अर्जुन सरजा आदिको पनि अभिनय रहेको छ ।