सप्तरी । प्रहरीले स्रोत नखुलेको रकमसहित दुई जना पक्राउ गरेको छ ।

सप्तरी रूपनी नगरपालिका-१ खाडोपुलमा प्रहरीले अग्निसाइर कृष्णसवरण नगरपालिका-२ बस्ने २७ वर्षीया सिमा भन्ने सागरकुमारी चौधरी र लहान नगरपालिका १ बस्ने २६ वर्षीया चन्दा चौधरीलाई प्रहरीले पक्राउ गरेको हो।

उनीहरूबाट ७ लाख ८६ हजार ५०० रुपैयाँ स्रोत नखुलेको नगद बरामद भएको जिल्ला प्रहरी कार्यालय सप्तरीले जनाएको छ । विशेष सूचनाको आधारमा सोमबार खटिएको प्रहरीको टोली खटिएको थियो।

चेकिङ गर्नेक्रममा पूर्व जाँदै गरेको प्र।१-००-४८ प ३०९० नम्बरको स्कुटरको डिक्कीमा ७ लाख ५० हजार नगद र चालक सागरकुमारी चौधरीबाट ३६ हजार ५०० रुपैयाँ बरामद भएको हो। उनीहरूमाथि प्रहरीले थप अनुसन्धान अघि बढाएको छ।