ओखलढुंगा । ओखलढुंगामा महिलामाथि बलात्कार गरेको आरोपमा एक जना पक्राउ परेका छन्।

२५ वर्षीया महिलामाथि बलात्कार गरेको आरोपमा खिजिदेम्बा गाउँपालिका-३ का २३ वर्षीय फुरी शेर्पा पक्राउ परेका हुन्।

शेर्पाविरूद्ध असोज १९ गते पीडितकै घरमा बलात्कार गरेको भन्ने उजुरी परेको थियो।

सोही उजुरीको आधारमा उनलाई पक्राउ गरिएको प्रहरीले जनाएको छ।

उनलाई प्रहरी चौकी श्रीचौरबाट खटिएको टोलीले सोमबार दिउँसो पक्राउ गरेको हो।