काठमाडौं । प्रहरी महानिरीक्षक वसन्त कुँवरले उत्कृष्ट काम गरेको भन्दै प्रहरी निरीक्षक (इन्स्पेक्टर) वीरेन्द्र सिंह जोहारीलाई पदक प्रदान गरेका छन् ।

सोमबार ६८ औँ प्रहरी दिवसको अवसरमा प्रहरी प्रधान कार्यालयमा आयोजित समारोहमा आईजीपी कुँवरले इन्स्पेक्टर जोहारीलाई ‘नेपाल प्रताप सुभुषण’ पदक प्रदान गरेका हुन् ।

नेपाल प्रहरी केन्द्रीय अनुसन्धान ब्यूरो, महाराजगञ्जमा कार्यरत रहेका बेला उत्कृष्ट काम गरेको भन्दै उनलाई सो पदक प्रदान गरिएको हो ।

हाल उनी अछामको इलाका प्रहरी कार्यालय कमलबजारको कमाण्ड सम्हालिरहेका छन् ।