काठमाडौं । मलेसियामा जारी एसीसी यू-१९ प्रिमियर कपमा नेपालले बहराइनविरुद्ध टस हारेको छ ।

मलेसियाको बायोमास ओभल मैदानमा भएको टसमा बहराइनले जितेर पहिला ब्याटिङ गर्ने निर्णय लिएको हो ।

समूह ए मा रहेका नेपाल र बहराइनको खेल मलेसियाको बायुमास ओभलमा जारी छ ।

नेपालले यसअघि समूहको पहिलो खेलमा इरानलाई पराजित गरेको थियो । बहराइन भने पहिलो खेलमा साउदी अरेबियासँग पराजित भएको थियो ।

१६ टोली सहभागी प्रतियोगिताबाट शीर्ष तीन टोली यू-१९ एसिया कपका लागि छनोट हुनेछ ।