अनलाइन नेपाल
काठमाडौं । इजरायलमा रहेका नेपाली नागरिकलाई लिन गएको नेपाल एयरलाइन्सको विमान आज राति १ः३० बजे काठमाडौं आइपुग्ने भएको छ ।
परराष्ट्र मन्त्रालयका अनुसार विमान दुई सय ५४ नेपाली नागरिक लिएर इजरायलबाट काठमाडौंका लागि उडिसकेको हो । नेपाली नागरिकको उद्धारका लागि विमान आज बिहान ३ः३० बजे दुबई हुँदै त्यसतर्फ प्रस्थान गरेको थियो ।
उद्धारका लागि परराष्ट्रमन्त्री नारायणप्रकाश साउद विमानमा आफैं इजरायल गएको थिए । इजरायलबाट स्वदेश फर्कन चाहने नेपाली ल्याउनका लागि नेपाल एयरलाइन्सको दुई सय ७४ सिट क्षमता भएको वाइडबडी विमान इजरायल गएको हो ।
शनिवार हमास समूहको आक्रमणमा परी १० नेपाली विद्यार्थीको निधन भएको थियो भने केही घाइते भएका थिए । एक जना नेपालीको अवस्था अझै अज्ञात छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply