काठमाडौं । मलेसियाको बान्गीमा जारी एसीसी यू-१९ प्रिमियर कप क्रिकेटमा नेपालले इरानलाई ३५४ रनको लक्ष्य दिएको छ ।

टस हारेर पहिले ब्याटिङको निम्तो पाएको नेपालले ४० ओभर १ बलमा सबै विकेट गुमाएर ३५४ रनको लक्ष्य दिएको हो ।

नेपालका लागि कप्तान देव खनालले विस्फोटक ब्याटिङ गर्दै ६० बलमा १०० रन बनाए । उनले ४ छक्का र १४ चौका प्रहार गरे ।

यस्तै दिपक प्रसाद डुम्रेले ४४ बलमा ६९ रन बनाए । उनले २ छक्का र ८ चौका प्रहार गरे। त्यसैगरी दीपक बोहराले ५९ बलमा ६५ रन बनाए । उनले २ छक्का र ५ चौका हाने । यसैगरी हेमन्त धामीले १९ बलमा २३ रन बनाए ।

उनले १ छक्का र २ चौका प्रहार गरे । यस्तै सुवास भण्डारीले नट आउट १८ रन बनाए । आकाश चन्दले १९ रनको योगदान दिए ।

अर्जुल कुमाल र मिलन बोहरा शून्य रनमा आउट हुँदा आकाश त्रिपाठीले ३, दिपक बोहराले १ रन बनाए । इरानका लागि सलमान निजमद र दद्रहमान रइसीले तीन/तीन विकेट लिए । समान शेख र जे रइसीले २/२ विकेट लिए ।