काठमाडौं । एसीसी पुरुष यू–१९ प्रिमियर कपको पहिलो खेलमा इरानविरुद्ध कप्तान देव खनालले शतक पूरा गरेका छन् ।

उनले ५९ बलमा १२ चौका र ४ छक्काको मद्दतमा शतक पूरा गरेका हुन् । उनी शतक पूरा गरेर आउट भए ।

मलेसियाको बान्गीमा इरानसँग टस हारेको नेपालले ब्याटिङ गरिरहेको छ । दिपक बोहोराले अर्थशतक पूरा गरे । उनी ६५ रन बनाएर पेभिलिएन फर्किए ।

खराब सुरुवात गरेको नेपालका लागि कप्तान खनाल र बोहोराले उत्कृष्ट साझेदारी गरे । उनीहरुले ९८ बलमा १६६ रनको साझेदारी गरे।