काठमाडौं । नेपाली राष्ट्रिय फुटबल टोलीको फरवार्ड सावित्रा भण्डारी स्वदेश फर्किएकी छन् ।

इजरायलमा व्यवसायिक फुटबल खेल्दै आएकी उनी बुधबार राति स्वदेश फर्किएकी हुन् ।

प्यालेस्टाइनी विद्रोही समूह हमासको हमलाका कारण इजरायलमा शनिबारदेखि हिंसाग्रस्त भएपछि त्यहाँका सबै फुटबल गतिविधि स्थगित भएका छन्।

इजरायलबाट मंगलबार राति उडेकी उनी थाइल्यान्डको बैंकक हुँदै बुधबार राती स्वदेश आइपुगेकी हुन्।