काठमाडौं । नेपाली कांग्रेसका सभापति शेरबहादुर देउवाले इजरायलमा रहेका नेपालीहरूलाई स्वदेश ल्याउन सरकारलाई आग्रह गरेका छन् ।

आइतबार विज्ञप्ति जारी गर्दै सभापति देउवाले इजरायलमा रहेका नेपालीलाई स्वदेश फर्काउन कुटनीतिक पहल गर्न सरकारलाई आग्रह गरेका हुन्।

सभापति देउवाले इजरायलका विभिन्न स्थानहरूमा भएको आक्रमणमा परी घाइते भएका र आक्रमणकारीको कब्जामा रहेका नेपालीहरुको उद्धार तथा स्वदेश फिर्ताका लागि सरकारसँग आग्रह गरे ।

सभापति देउवाले भनेका छन्, ‘आवश्यक उद्धार गर्ने र यथासम्भव स्वदेश फर्काउनका लागि नेपाल सरकारले अविलम्व कुटनीतिक पहल गर्न नेपाली कांग्रेस जोडदार माग गर्दछ ।’

केही नेपाली घाइते भएको र केही बन्धक बनाएको भन्दै देउवाले इजरायलमा रहेका नेपालीहरुलाई तत्काल सुरक्षित स्थानमा पुर्‍याउन माग गरेका छन् ।

सभापति देउवाले इजरायलमा भएको आक्रमणमा करिब एक दर्जन घाइते र आक्रमणकारीबाट केही नेपालीलाई कब्जामा लिइएको घटनाप्रति कांग्रेसको गम्भीर ध्यानाकर्षण भएको भन्दै घटनाको भर्त्सना र गहिरो चिन्ता प्रकट गरे ।