हुम्ला । हुम्लामा जिप दुर्घटना हुँदा ९ जना घाइते भएका छन् ।

सदरमुकाम सिमकोटबाट बडगाउँ जाँदै गरेको जिप आज बिहान दुर्घटना हुँदा ९ जना घाइते भएका हुन् ।

सिमकोटको मानसरोवर नमुना माध्यमिक विद्यालय नजिकै बा २१ च ७३५३ को जिप सडकबाट करिब ६० मिटर तल खस्दा सिमकोट वडा नम्बर २ र ३ का वडा अध्यक्षसहित जीपमा सवार ९ जना स्थानीय घाइते भएको हुम्ला प्रहरीले जनाएको छ ।

बडगाउँमा आयोजित कार्यक्रममा सहभागी हुन वडा अध्यक्षसहितका प्रतिनिधिहरू जीपमा सवार रहेको बताइएको छ । घटनाबारे थप जानकारी आउन बाँकी छ ।