काठमाडौं । अख्तियार दुरुपयोग अनुसन्धान आयोग विशेष अदालतको फैसला चित्त नबुझेको भन्दै सर्वोच्च अदालत गएको छ ।

अख्तिायरले विभिन्न मितिमा फैसला भएका मुद्दामध्ये गैरकानुनी लाभ तथा हानी,सार्वजनिक सम्पत्ती हानी नोक्सानी र घुस लिइ भ्रष्टाचार गरेकासम्बन्धी चार मुद्दामा पुनरावेदन दिएको हो ।

सरकारी कागजात हेरफेर गरी सरकारी जग्गा व्यक्तिको नाममा दर्ता गरी भ्रष्टाचार गरेको आरोप संजय कुमार ठाकुरसमेत २८ जना प्रतिवादी रहेको मुद्दामा विशेषले दिएको फैसलाविरुद्ध पुनरावेदन गरेको अख्तियारले जनाएको छ ।

घुस रिसवत लिइ भ्रष्टाचार गरेको मुद्दामा भोगेन्द्र प्रसाद साहसमेत ४ जना प्रतिवादी रहेको मुद्दामा पनि अख्तियारले सर्वोच्चमा पुनरावेदन दिएको छ।

यसैगरी सरकारी रकम हिनामिना गरी भ्रष्टाचार मुद्दामा धर्मराज अधिकारीसमेत ८ जना प्रतिवादी र सरकारी रकम हिनामिना गरी भ्रष्टाचार गरेको मुद्दाका प्रतिवादी बाबुराम पाण्डे,प्रविन वस्ती,हसिमान गुरूङ,अनिता गुरूङ,राम नारायण चौधरी प्रतिवादी रहेको मुद्दामा विशेषले गरेको फैसला चित्त नबुझेपछि पुनरावेदन दिएको अख्तियारले जनाएको छ।