कैलाली । चाडपर्वमा यात्रुको चापलाई मध्यनजर गरी इलाका प्रहरी कार्यालय मालाखेतीले यात्रु सहायता कक्ष स्थापना गरेको छ ।

चाडबाडमा हुने भीडभाडमा यात्रुको सहजताका लागि अत्तरिया बसपार्कमा यात्रु सहायता कक्ष स्थापना गरिएको हो ।

इलाका प्रहरी कार्यालय मालाखेतीका डिएसपी गणेश बरालले बिजया दशमी, दिपावली र छठ पर्वलाई मध्यनजर गरी यात्रु सहायता कक्ष राखिएको बताए ।

यात्रु सहायता कक्षले नागरिकहरु तथा सवारी साधनहरुको आवगमनमा सहज र सुरक्षित हुने विश्वास लिइएको छ ।

यात्राका क्रममा असहजता र ठगिको महसुस भए सहायता कक्षमा उजुरी वा गुनासो गर्ने व्यवस्था गरिएको मालाखेती प्रहरीले जनाएको छ ।