Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । अख्तियार दुरुपयोग अनुसन्धान आयोगले रोल्पाको गंगादेव गाउँपालिकाका तत्कालीन उपाध्यक्षसहित १३ जनाविरुद्ध भ्रष्टाचार मुद्दा दायर गरेको छ ।
अख्तियारले गंगादेव गाउँपालिका-२ स्थित घोरानेटी खोलादेखि घोरानेटीसम्म सोलार पम्पिङ खानेपानी निर्माण योजनामा बढी रकम भुक्तानी गरेको भन्दै उपाध्यक्ष रिता घर्ती र निमित्त प्रमुख प्रशासकीय अधिकृत सकल देव यादवसहित १३ जनाविरुद्ध भ्रष्टाचार मुद्दा दायर गरेको हो ।
तत्कालीन उपाध्यक्ष घर्ती,तत्कालीन निमित्त प्रमुख प्रशासकीय अधिकृत यादव, योजना अधिकृत कृष्ण बहादुर घर्ती,तत्कालीन इन्जिनियर नविन डाँगी, सवइन्जिनियर रोशनी विष्ट र खानेपानी तथा सरसफाई टेक्निसियन बल बहादुर बस्नेतविरुद्ध भ्रष्टाचार मुद्दा दायर गरिएको अख्तियारले जनाएको छ ।
त्यस्तै, सोलार पम्पिङ खानेपानी निर्माण योजना उपभोक्ता समितिका अध्यक्ष मन बहादुर डाँगी, सचिव खडक बहादुर डाँगी,कोषाध्यक्ष चन्द्र कुमारी डाँगी,वडा नं २ का तत्कालीन वडाध्यक्ष भुपाल दमाई,वडा सदस्य टिका विक, वडा सदस्य गन बहादुर भण्डारी र वडा सचिव कुल बहादुर योगीविरुद्ध मुद्दा दायर गरिएको हो ।
उनीहरूले आर्थिक वर्ष २०७६/०७७ मा गंगादेवी गाउँपालिका–२ स्थित घोरानेटी खोलादेखि घोरानेटीसम्म सोलार पम्पिङ खानेपानी योजना निर्माण गर्दा अनियमितता गरेको थियो ।
चार लाख ६६ हजार ४८८ रुपैयाँ अनियमितता गरेको ठहर गर्दै अख्तियारले बुधबार विशेष अदालत काठमाडौंमा मुद्दा दायर गरेको हो । दायर गरिएको मुद्दामा अख्तियारले प्रत्येकसँग चार लाख ६६ हजार ४८८ रुपैयाँ बिगो दाबी गरेको छ ।
आयोगले उनीहरूविरूद्ध भ्रष्टाचार निवारण ऐन २०५९को दफा ८ को उपदफा १ को 'ग' र 'ङ' बमोजिमको कैद र बिगो जरिवानामा माग दाबी गरेको छ ।
© 2026 All right reserved to onlinenepal.com
Design & Developed By
