काठमाडौं । अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) की प्रमुख कार्यकारी अधिकृत एलिस अल्ब्राइटको टोली र नेकपा एमालेका अध्यक्ष केपी शर्मा ओलीबीच भेटवार्ता भएको छ ।

सोमबार एमालेको केन्द्रीय पार्टी कार्यालय च्यासलमा ओली र अलब्राइटबीच भेटवार्ता भएको हो ।

दुई जनाको भेटवार्तामा एमसीसी कार्यान्वयनबारे छलफल भएको बताइएको छ । एमसीसी कार्यान्वयनको औपचारिक सुरुवात भएको ठीक एक महिनापछि सो टोली काठमाडौं आएको हो ।

नेपालमा रहँदा अलब्राइटले एमसीसीमा भएका प्रगति र समस्याहरूको बारेमा बुझ्ने तथा एमसीसी परियोजनाको केही क्षेत्रको अवलोकन पनि गर्ने कार्यक्रम तय भएको छ । गत भदौ १३ गते एमसीसी कार्यान्वयनको औपचारिक सुरुवात भएको थियो।