रुपन्देही । रुपन्देहीको बेलहिया नाकाबाट स्रोत नखुलेको भारतीय रुपैयाँसहित तीन जना पक्राउ परेका छन् ।

सशस्त्र प्रहरी बलको टोलीले भारतबाट नेपालतर्फ आउँदै गरेका तीन जना भारतीय नागरिकलाई १० लाख भारुसहित पक्राउ गरेको हो ।

शंकास्पद रुपमा नेपाल आउँदै गरेका उनीहरुको जाँच गर्ने क्रममा स्रोत नखुलेको १० लाख भारु बरामद भएको रुपन्देहीको सशस्त्र प्रहरी बल नम्बर २७ गणले जनाएको छ ।

एक जनाको साथबाट ९ लाख भारु र अन्य दुई जनाको साथबाट ५०/५० हजार भारु बरामद गरेको गणले जनाएको छ ।

उनीहरुबाट बरामद गरिएको सबै ५ सय भारु नोट रहेको र ती नोट नेपालमा प्रतिबन्धित रहेको सशस्त्र प्रहरीले जनाएको छ ।

बरामद नोट राजश्व अनुसन्धान कार्यालयमा बुझाईने सशस्त्र प्रहरी बल नेपाल नं २७ गणका गणपति प्रहरी उपरीक्षक दीपक थापाले बताए ।