काठमाडौं । ठगी गरेको आरोपमा पक्राउ परेका अभिनेता अनमोल केसीलाई प्रहरीले आजै छाड्ने भएको छ । जिल्ला अदालत काठमाडौंले आजसम्म मात्रै हिरासतमा राख्न अनुमति दिएपछि उनलाई आजै छाड्न लागिएको हो ।

शुक्रबार पक्राउ परेको र शनिबार सार्वजनिक बिदा भएकाले उनलाई प्रहरीले अदालतमा उपस्थित गरिसकेको थिएन । आइतबार सरकारी वकिल कार्यालयमार्फत अदालतमा पेश गरिएको थियो ।

अदालतका न्यायाधीश कृष्णप्रसाद सुवेदीको इजलासले तीन दिनको म्याद दिएको थियो । सो म्याद आजै सकिएपछि केसीलाई छाड्न लागिएको जिल्ला प्रहरी परिसर काठमाडौंले जनाएको छ ।

अभिनेता केसीलाई सोमबार फेरि अदालतमा उपस्थित गराइने भएको छ । रावायन फिल्म खेल्न उनले १० लाख रुपैयाँ लिएको तर पछि नखेल्ने भन्दै रकम पनि फिर्ता नगरेको आरोप उनीमाथि छ।