दोलखा । प्रहरीले दोलखाको बिगु गाउँपालिकाबाट चार किलो सुन बरामद गरेको छ ।

दोलखा प्रहरीले बिगु गाउँपालिका–१ स्थित लामा बगरबाट थप ४ किलो सुन बरामद गरेको हो ।

प्रहरीले केही दिनअघि दोलखाबाट ७ किलो सुन बरामद गरेको थियो । त्यसको अनुसन्धान गर्दै जाँदा आइतबार थप चार किलो सुन पनि भेटिएको हो ।

योसँगै दोलखाबाट बरामद भएको सुनको मात्रा ११ किलो पुगेको छ । यसअघि प्रहरीले दुई पटकमा ७ किलो सुन बरामद गरेको थियो । सुन प्रकरणमा प्रहरीले ७ जनालाई पक्राउ गरेको छ ।

पक्राउ पर्नेमा बिगु–१ घर भएका राज तामाङ, २८ वर्षीय केशर तामाङ, २० वर्षीय माधव मगर, १९ वर्षीय पेम्बा तामाङ, ५५ वर्षीय नुर्वु छिरीङ शेर्पा, ३० वर्षीया सुनमाला तामाङ र च्याङ्बा भन्ने चसमान तामाङ छन् ।