बाँके । बाँकेको डुडुवा गाउँपालिकास्थित जयेन्दु बाल सुधार गृहबाट फरार एक बालबन्दी फेला परेका छन् ।

असोज ४ गते राति १० बजे बाल सुधार गृहमा बालबन्दीबीच झडप हुदा फरार भएका चारमध्ये एकजना दैलेखबाट पक्राउ परेका हुन् ।

बाँके र दैलेखबाट खटिएको प्रहरी टोलीले उनलाई महाबु गाउँपालिकाबाट पक्राउ गरेको बाँके प्रहरीले जनाएको छ ।

बाल सुधार गृहबाट फरार अन्य तीन जना अझै फेला परेका छैनन् । उनीहरूको खोजीका लागि टोली परिचालन गरिएको बताइएको छ ।