काभ्रे । टिपरको ठक्करबाट मोटरसाइकल चालकको मृत्यु भएको छ ।

काभ्रेको बनेपा नगरपालिका वडा नं ७ स्थित धनेश्वरमा बनेपाबाट पनौतीतर्फ जाँदै गरेको बा ८४ प ६९५९ नम्बरको मोटरसाइकललाई विपरीत दिशाबाट आउँदै गरेको बा ४ ख ९९७५ नम्बरको टिपरले ठक्कर दिएको थियो ।

टिपरको ठक्करबाट मोटरसाइकल चालक रोशी गाउँपालिका ८ स्थित खार्पाचोकका ३९ वर्षीय सिद्ध कुमार लामाको अन्नपूर्ण न्यूरो अस्पतालमा मृत्यु भएको हो ।

ठक्कर दिने टिपर चालक र सवारी साधनलाई प्रहरीले नियन्त्रणमा लिएर आवश्यक अनुसन्धान गरिरहेको जिल्ला प्रहरी कार्यालय काभ्रेले जनाएको छ ।