काठमाडौं । काठमाडौं उपत्यका अपराध अनुसन्धान कार्यालयले मलेसिया पठाइने दिने भन्दै लाखौं रकम ठगी गर्ने एक जनालाई पक्राउ गरेको छ ।

पक्राउ पर्नेमा डोटी जिल्लाको शिखर नगरपालिका-२ घर भई हाल काठमाडौंको सेतोपुल बस्ने ३२ वर्षीय धनबहादुर बोगटी रहेका छन्।

उनले कृष्णबहादुर बोगटीलाई वैदेशिक रोजगारीका लागि मलेसिया पठाइदिने बहानामा ३ लाख रुपैयाँ लिइ फरार रहेको प्रहरी अनुसन्धानबाट खुलेको छ। प्रहरीले उनलाई बिहीबार सेतोपुलबाट नियन्त्रणमा लिएको हो।

थप अनुसन्धान तथा कारबाहीका लागि वैदेशिक रोजगार विभाग ताहाचाल काठमाडौं पठाएको प्रहरीले जनाएको छ।