काठमाडौं । राष्ट्रपति रामचन्द्र पौडेलले संविधान दिवसका अवसरमा रात्रिभोज आयोजना गरेका छन् ।

संविधान दिवसको अवसर पारेर राष्ट्रपति भवन शीतल निवासमा भीआईभीहरुको जमघट भएको हो।

राष्ट्रपति पौडेलको निमन्त्रणमा उपराष्ट्रपति रामसहाय प्रसाद यादवसहित कार्यवाहक प्रधानमन्त्री पूर्णबहादुर खड्का, प्रधानन्यायाधीश विश्वम्भर प्रसाद श्रेष्ठ, सभामुख देवराज घिमिरे, राष्ट्रिय सभा अध्यक्ष गणेश प्रसाद तिमल्सिनासहित उच्चपदस्थ अधिकारीहरुको सहभागिता रहेको थियो ।

कार्यक्रममा ललितपुर महानगरका मेयर चिरिबाबु महर्जन पनि उपस्थिति थिए ।  कार्यक्रममा पूर्वप्रधानमन्त्री एवम् नेकपा एमालेका अध्यक्ष केपी शर्मा ओली उपस्थित थिएनन् ।