रूपन्देही । रूपन्देहीमा दुई समूहबीच कुटपिट हुँदा एक जनाको मृत्यु भएको छ ।

जिल्लाको तिलोत्तमा नगरपालिका-९ केवलानीस्थित एसजी रेष्टुरन्टमा भएको झडपमा हेटौंडा बस्ने २५ वर्षीय सुरेश स्याङतानको मृत्यु भएको हो ।

कुटपिटमा संलग्न नुवाकोट लिखु गाउँपालिका ४ बस्ने १९ वर्षीय रोमन तामाङसहित आठ जनालाई पक्राउ गरिएको रूपन्देही प्रहरीले जनाएको छ ।

मादक पदार्थ सेवन गरी दुई समूहबीच विवाद भइ कुटपिट भएको भन्ने खबर प्राप्त हुनासाथ इलाका प्रहरी कार्यालय मंगलापुर र इलाका प्रहरी कार्यालय बुटवलबाट खटिएको प्रहरीले सुरेश समेत ४ जना घाइतेलाई उपचारको लागि मेडिकल कलेज भैरहवा पठाएको थियो ।

तर, उपचारको क्रममा सुरेशको मृत्यु भएको प्रहरीले जनाएको छ । घाइतेमध्ये १ जनाको अवस्था गम्भीर रहेको छ । घटनाबारे अनुसन्धान भइरहेको रूपन्देही प्रहरीले जनाएको छ।