दाङ। पूर्व–पश्चिम राजमार्ग अन्तर्गत बाँकेको नयाँगाउँ नजिकै सडक किनारमा बम विष्फोट भएको छ ।

शनिबार राति दाङको राप्ती सोनारी गाउँपालिका ९ ढकरी नजिकैको सडकमा बम पड्किएको हो।

उक्त विष्फोटक पदार्थ द्वन्द्वकालीन माइन हुनसक्ने जिल्ला प्रहरी कार्यालय बाँकेले जनाएको छ । विष्फोटका कारण राजमार्गमा भ्वाङ परेको छ ।

आज बिहान नेपाली सेनासहितको सुरक्षाकर्मीको टोलीले विष्फोट भएको स्थानको अवलोकन गरेको थियो । विष्फोटबाट मानवीय क्षति भएको छैन ।

तर सडक किनारमा ठूलो खाल्डो परेका कारण सवारी साधन एकतर्फी मात्र सन्चालन भएका थिए । द्वन्द्वकालमा राखिएको बमको अवशेष पड्किएको पुष्टि भएपछि सडक विभागले भ्वाङ पुरेको छ। अहिले राजमार्गमा सवारी साधन चलिरहेका छन्।