सल्यान । घरमा आगलागी हुँदा सल्यानमा आमाछोरीको मृत्यु भएको छ ।

मृत्यु हुनेमा त्रिवेणी गाउँपालिका-२ धामिढुंगाकी ३२ वर्षीया रेवती थापा र उनकी ९ महिने छोरी ऋतु थापाको रहेकी छन् ।

शुक्रबार राति आफ्नै घरमा सुतेको अवस्थामा लागेको आगोका कारण आमाछोरीको मृत्यु भएको जिल्ला प्रहरी कार्यालय सल्यानले जनाएको छ ।

उनीहरुको शव जलेको अवस्थामा शनिबार बिहान फेला परेको थियो । आगलागी कसरी भयो भन्ने खुलेको छैन।

घटनाबारे अनुसन्धान जारी रहेको जिल्ला प्रहरी कार्यालय सल्यानले जनाएको छ ।