अछाम । सुदूरपश्चिम प्रदेशसभा सदस्य मेघराज खड्काले तीजलाई संस्कृति जगेर्नाका रूपमा मनाउनु पर्ने बताएका छन् ।

शुक्रबार चौरपाटी गाउँपालिका स्तरीय महिला सञ्जालले आयोजना गरेको तीज विशेष कार्यक्रममा बोल्दै नेपाली कांग्रेस प्रदेश महामन्त्रीसमेत रहेका खड्काले यस्तो बताएका हुन् ।

उनले तीजलाई विकृतिका रूपमा नभएर संस्कृती र धर्मलाई जगेर्नाका रूपमा अगाडि बढाउनु पर्ने बताए । एक अर्काको नक्कल, प्रतिस्पर्धा र तडकभडक रूपमा तीजलाई बनाउन नहुने उनको भनाई छ ।

उनले तीज पर्वले महिलामा एकताको भावना र मेलमिलापको भावना पैदा गर्ने बताए । सो कार्यक्रममा गाउँपालिकाका सातवटै वडाका महिलाहरूले विभिन्न प्रस्तुतिहरू देखाएका थिए ।