काठमाडौं । एसिया कप क्रिकेटको सुपर फोरको अन्तिम खेलमा बङ्गलादेशले भारतलाई २ सय ६६ रनको लक्ष्य दिएको छ ।

कोलम्बोमा टस हारेर ब्याटिङको निम्तो पाएको बङ्गलादेशले निर्धारित ५० ओभरमा ८ विकेट गुमाएर २ सय ६५ रन बनायो । बङ्गलादेशका लागि कप्तान शाकिब अल हसनले सर्वाधिक ८० रन बनाए ।

तोहिद हृदोयले ५४ र नसुन अहमदले ४४ रन बनाए । बलिङतर्फ भारतका शार्दुल ठाकुरले ३ र मोहम्मद शमीले २ विकेट लिए ।

यो ‘सुपर फोर’ को अन्तिम खेल हो । एसिया कपको फाइनल पर्सि आइतवार हुँदैछ । फाइनल खेल्ने टोलीको टुङ्गो लागिसकेका कारण यो खेल धेरै महत्त्वको छैन । फाइनलमा भारत र श्रीलङ्काबीच प्रतिस्पर्धा हुनेछ ।