कञ्चनपुर । कञ्चनपुरको शुक्लाफाँटा राष्ट्रिय निकुञ्जमा गैंडाको आक्रमणबाट एक महिलाको मृत्यु भएको छ ।

राष्ट्रिय निकुञ्जभित्र च्याउ टिप्न गएकी बेलडाडी गाउँपालिका–२ की ४६ वर्षीय बेलमति बुढाको गैंडाको आक्रमणबाट मृत्यु भएको हो ।

अन्य दुई महिलाले रुखमा चढेर ज्यान जोगाएका छन् ।

निकुञ्जका अनुसार शुक्रबार बिहान नेपाली सेनाको गस्ती टोलीले निकुञ्जको कालीकिच ताल क्षेत्रमा बुढालाई मृत अवस्थामा भेटेको हो ।

अहिले निकुञ्ज प्रशासनको टोली घटनास्थलतर्फ गएको छ ।