बाँके । बाँकेमा बस दुर्घटना हुँदा चार जनाको मृत्यु भएको छ ।

पूर्वबाट पश्चिमतर्फ आइरहेको ना७ख २३२१ नम्बरको बस शमशेरगञ्जमा दुर्घटना हुँदा चार जनाको मृत्यु भएको हो । बाँके प्रहरीका अनुसार २६ जना घाइते भएका छन् ।

बिग्रिएर सडक किनारामा रहेको ना८ख ६४०५ नम्बरको ट्रकमा बस ठोकिएको थियो ।

घाइतेहरुको कोहलपुर मेडिकल कलेजमा उपचार भइरहेको जिल्ला प्रहरी कार्यालय बाँकेले जनाएको छ । मृतकको सनाखत भइसकेको छैन ।