एजेन्सी । दक्षिण अफ्रिकासँगको पहिलो एकदिवसीय क्रिकेटमा पाहुना टोली अस्ट्रेलिया तीन विकेटले विजयी भएको छ ।

घरेलु टोली दक्षिण अफ्रिकाले जितका लागि दिएको २ सय २३ रनको लक्ष्य अस्ट्रेलियाले ४० ओभर २ बलमा ७ विकेट गुमाएर भेट्टायो ।

त्यसअघि टस हारेर पहिला ब्याटिङ गरेको दक्षिण अफ्रिका ४९ ओभरमा २ सय २२ रनमा अलआउट भयो । जितसँगै अस्ट्रेलियाले पाँच खेलको शृङ्खलामा १–० को अग्रता बनाएको छ ।

दक्षिण अफ्रिका र अस्ट्रेलियाबीचको दोस्रो एकदिवसीय खेल भोलि हुनेछ । यसअघि भएको तीन खेलको टी–२० शृङ्खला पाहुना टोली अस्ट्रेलियाले क्लिन स्वीप गरेको थियो ।