काठमाडौं । नेपाली राष्ट्रिय क्रिकेट टोलीका कप्तान रोहित पौडेलले अब सरकारले पूर्वाधारमा लगानी बढाउनुपर्ने बताएका छन् ।

एसिया कपमा सहभागी भएर स्वदेश फर्किएपछि विमानस्थलमा बोल्दै कप्तान पौडेलले यस्तो बताएका हुन् ।

पौडेलले अब ‘हाइ टाइम’ भइसकेकाले सरकारले पूर्वाधारमा लगानी बढाउनुपर्ने बताए।एकै ठाउँमा अभ्यास गरिरहँदा अभ्यास स्तर राम्रो बनाउन नसकिने उनको भनाइ थियो।

भारत र पाकिस्तानसँग खेल्ने सपना पूरा भएको र खेलबाट खेलाडीले धेरै कुरा सिकेको पनि उनले बताए सरकार र निजी निकायहरूले खेलाडीहरुमा लगानी बढाउन आवश्यक रहेको धारणा उनले राखे।