काठमाडौं । आईसीसी महिला टी–ट्वान्टी विश्वकप एसिया क्षेत्र छनोटमा नेपालले आज यूएईसँग खेल्दैछ । खेल मलेसियाको क्वालालम्पुरमा बिहान सवा ७ बजे सुरु हुनेछ।

लगातार चार खेल जितेका दुवै टोली एक खेल अगावै सेमिफाइनलमा स्थान बनाइसकेका छन् ।

दुवै टोलीको समान ८ अंक रहेको छ। युएई नेट रनरेटको आधारमा शीर्ष स्थानमा रहँदा नेपाल दोस्रो स्थानमा छ।

आजको खेलले समूह विजेता र उपविजेताको टुगो लाग्ने छ।