काठमाडौं । सरकारले शुरू गरेको ‘हेलो सरकार’ अब २४सै घण्टा सञ्चालन हुने भएको छ ।

प्रधानमन्त्री पुष्पकमल दाहाल ‘प्रचण्ड’ले आइतवार सिंहदरबारमा हेलो सरकारको २४ घण्टे सेवाको शुभारम्भ गरेका हुन् ।

२०६८ सालमा तत्कालीन प्रधानमन्त्री डा.बाबुराम भट्टराई प्रधानमन्त्री हुँदा जनतासँग प्रत्यक्ष सम्पर्कका लागि भनेर हेल्लो सरकार स्थापना भएको थियो।

हाल बिहान ७ बजेदेखि राति ९ बजेसम्म मात्रै हेलो सरकारको सेवा सञ्चालनमा थियोहालसम्म दुई सिफ्टमा मात्र सञ्चालन हुने गरेको हेलो सरकारमा आजदेखि तीन सिफ्टमा सञ्चालन हुने भएको हो ।

जनताको तत्काल सम्बोधन गर्नुपर्ने गुनासो सम्बोधन गर्न र्‍यापिड रेस्पोन्स टिमले समेत काम गरिरहेको छ । प्रधानमन्त्री प्रचण्डले हेलो सरकारको कन्ट्रोल रुमको अवलोकन गरेका थिए ।