काठमाडौं । नबिल बैंकको एटीएम मेसिन तोडफोड गरी चोरी गर्न खोज्ने एकजना पक्राउ परेका छन् । पक्राउ पर्नेमा दाङको बबई गाउँपालिका वडा नं. २ बस्ने २४ वर्षीय पूर्णबहादुर खासु छन् ।

भक्तपुरको कमलविनायकस्थित भत्केको पाटीमा रहेको नबिल बैंकको एटीएम मेसिन आज बिहान करिब पौने ३ बजेतिर तोडफोड गर्ने पूर्णबहादुरलाई प्रहरी वृत्त जगातीको टोलीले पक्राउ गरेको हो ।

उनलाई नियन्त्रणमा लिएर शरीर खानतलासी गर्दा उनको साथबाट १ थान मार्तल, १ थान फलामको रड र १ थान ह्याक्सो समेत बरामद भएको जिल्ला प्रहरी परिसर भक्तपुरले जनाएको छ ।

उनीमाथि प्रहरीले थप अनुसन्धान थालेको छ ।