काठमाडौं । प्रहरीले ६० किलो सुन तस्करी प्रकरण संलग्न रहेको आरोपमा पक्राउ परेका गणेश पौडेल त्रिभुवन अन्तर्राष्ट्रिय विमानस्थल भन्सार कार्यालयका कर्मचारी भएको खुलेको छ ।

तस्करहरूको गिरोहलाई सहयोग गरेको पाइएपछि उनलाई पक्राउ गरिएको थियो ।

उनै पौडेल भन्सार कार्यालयमा मूल्यांकन शाखाका अधिकृत भएको खुलेको हो ।

हङकङबाट आएको ब्रेक प्याडभित्र लुकाएर ल्याएको सुन भन्सार जाँच पास भइसकेको अवस्थामा ३ साउनमा बरामद भएको थियो । अहिले सो प्रकरणको सीआईबीले अनुसन्धान गरिरहेको छ ।