कैलाली । ईलाका प्रहरी कार्यालय मालाखेतीले लागूऔषधसहित एक जनालाई पक्राउ गरेको छ ।

पक्राउ पर्नेमा डडेल्धुरा नवदुर्गा गाँउपालिका-२ बेडपानी घर भई हाल गोदावरी नगरपालिका-२ तेघरी डेरा गरि बस्ने निराजन बिष्ट रहेका छन् ।

बिष्टलाई मालाखेतीबाट सादा पोषाकमा खटिएको प्रहरी टोलीले बसपार्कबाट पक्राउ गरेको हो ।

बिष्टको साथबाट २ ग्राम ५८६ मिलिग्राम लागूऔषध खैरो हेरोईन बरामद गरिएको मालाखेती प्रहरीका प्रमुख तथा प्रहरी नायव उपरीक्षक गणेश बरालले बताए ।

बिष्टमाथि थप अनुसन्धान भइरहेको प्रहरीले जनाएको छ ।