काठमाडौं । फिफाले श्रीलंकामाथिको निलम्बन फुकुवा गरेको छ ।

फिफाकी महासचिव फात्मा समौराले सोमबार एक विज्ञप्ति जारी गर्दै फिफाले अगस्ट २७ मा तत्कालै लागु हुने गरी श्रीलंकामाथिको निलम्बन फुकुवा गरेको बताएकी हुन् ।

गुटबन्दी र संघमा राजनीतिक हस्तक्षेप भएको भन्दै फिफाले गएको जनवरी २१ मा श्रीलंकन फुटबल फेडेरेसनलाई निलम्बित गरेको थियो ।

तर, दुई हप्ताअघि भएको छलफलपछि फुटबलको विकासका लागि सबै गुट साझा उद्देश्यसाथ अघि बढ्ने सहमति बनेको थियो ।