अनलाइन नेपाल
चितवन । आत्महत्या दुरूत्साहनसम्बन्धी मुद्दामा पुर्पक्षका लागि जेल चलान आदेश भएका व्यवसायी प्रदीप रूङ्टा बिरामी भएको भन्दै अस्पतालमै उपचार गराइरहेका छन् ।
नेपाली कांग्रेस चितवनका पूर्व कोषाध्यक्ष तथा व्यापारी शङ्कर कँडेलको आत्महत्या दुरूत्साहनसम्बन्धी मुद्दामा उनलाई गत साउन १८ गते चितवन जिल्ला अदालतका न्यायाधीश डिल्लीराम शर्मा अर्यालको इजलासले रूङ्टालाई पुर्पक्षका लागि थुनामा राख्ने आदेश दिएको थियो ।
तर उनी सोही दिनदेखि उपचार गराइरहेका हुन् । अदालतको आदेश लगत्तै बिरामी भएका रूङ्टा तत्कालै भरतपुर अस्पतालमा भर्ना भएका थिए । उनी केही दिन उपचारपछि अस्पतालले दिउँसो डिस्चार्ज गरेको बुझिएको छ ।
उनलाई भरतपुर कारागार लगिएकोमा रात समेत नबिताई पुनः बिरामी भएको भन्दै चितवन मेडिकल कलेज पुगेको कारागार स्रोतले बतायो । रूङ्टा हाल चितवन मेडिकल कलेज (सिएमसी) मा उपचार गराइरहेको बुझिएको छ ।
उच्च अदालतको थप आदेश आइनसकेकाले उनी अदालतले जेलमा बस्ने आदेश गरे पनि बिरामी भएको भन्दै आदेश भएकै दिनबाट अस्पतालमा रहेका छन् । गत वैशाख १९ गते आफ्नै कार्यकक्ष (अनमोल फिड्स) मा कँडेलले झुन्डिएर आत्महत्या गरेका थिए ।
हिमचुली मिडिया प्रा. लि.
इमेल: [email protected]
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply