इटहरी । गौहत्याको विरोधमा हिन्दुवादीहरूले इटहरीमा धार्मिक र्‍याली निकालेका छन् ।

धरान जान नपाएपछि उनीहरूले इटहरीमा र्‍याली निकालेका हुन् । जिल्ला प्रशासन कार्यालय सुनसरीले धरानमा गए राति १२ बजेदेखि २४ घण्टे निषेधाज्ञा जारी गरेको छ ।

बाक्लोरूपमा प्रहरी परिचालन गरिएको प्रशासनले जनाएको छ । उनीहरूले गणतन्त्र तथा वर्तमान सरकारविरुद्ध नाराबाजी गरिरहेका छन् भने हिन्दु राष्ट्र बनाउनुपर्ने माग गरिरहेका छन् ।

स्थितिलाई नियन्त्रणमा राख्नका लागि प्रहरीले बाटोमा नै चेकजाँचलाई कडाइ गरेको छ । स्थानीय प्रशासनले धरानका विभिन्न स्थानमा निषेधाज्ञा नै जारी गरेको छ ।