काठमाडौं । काठमाडौंको बुद्धनगरमा एउटा भैंसीले आतंक मच्चाएको छ । पालिएको ठाउँबाट दाम्लोसहित भागेको एउटा भैँसी अलपत्र अवस्थामा बिहान बुद्धनगरमा भेटिएको हो ।

सो भैंसी नियन्त्रणमा लिन प्रहरी टोली परिचालन गरिएको छ । प्रहरी वृत्त नयाँ बानेश्वरका अनुसार भैँसी कहाँबाट आयो र कसले पालेको हो भन्ने खुलिसकेको छैन ।

अरुलाई हान्न सक्ने जोखिम रहेकाले निगरानीमा राखिएको प्रहरीको भनाइ छ । भैँसी भागेर बुद्धनगरको ज्ञान निकेतन स्कुलको हाताभित्र छिरेको छ ।

भैंसीलाई त्यहीँबाट नियन्त्रणमा लिन प्राविधिक टोली बोलाइएको प्रहरीले जनाएको छ ।